爆!爆格!! 221/144

今日都算諸事不順，坐巴士去返工，上到巴士先知Leap card裏面無錢...

明明還有5分鐘才夠鐘，但Ann企吧台發晒脾氣話我同Natalie遲到，落到更衣室發現自己無帶鑰匙...

正傍惶之際，Louise教我一招爆locker，於是經我強暴我locker一輪後，就換好衫出返樓面~~

話說今日在二樓，收收下碟突然比個客叫埋一邊，同我投訴話件雞未熟透，有血色...

有良心又讀過下飲食的我，其實都覺得是自己廚房有錯，所以我收走了其他碟，只留下碟問題雞。

不過原來個客亦做廚的，一早用電話影好相怕我消滅證據，所以他見我留下碟雞，眼神流露出對我有點欣賞之意~~~

返回正題，於是我就話比樓面經理知，但他一面怒氣，一心認為又是些賤客要R著數，態度頗為惡劣地凶個客。

又在枱客面前突然問我問題，我當下答不出，又0趙了我一鑊...

最後阿經理就免枱客一個人頭錢(因他始終認為人家要R著數...)，當然個客心裏面又不舒服，又向我ee牙牙，話我經理好rude，反而還安慰我！

但他又要我找老闆，做著條磨心，真無陰公...

最後老闆諗法和我一樣，免了全枱客張單，還話了經理幾句...

無論如何，我完成了這個星期的創舉，工作63小時，比全職的45小時還要多，簡直就是癲狂~~~

由於太忙，無影甚麼相，所以講下愛爾蘭人的水龍頭。

愛爾蘭都不算是落後的國家，但設計真的好有問題，冷水熱水分開兩個頭，

天氣冷時，用凍水超凍，用熱水超熱，生活一大敗筆!!!!!